Newayen Mutrib u Çengen Kurdan

Armanca vê kitêbê beyankirina beşek ji nêrinên etnolojiyê-gelnasiyê û nişandana çanda gelêri li pişka stran û awazên Kurdi, danasina alav û amûrên muzikê û danasina hinek hunermendên navdar e. Armanceke wê ya din ji nasandina beşên curbicur ên stran û awazên Kurdi ye. Rengini û dewlemendiya folklora Kurdi, ji mêj va bala gelek rojhilatnas û Kurdnasan kişandiye. Çimki tu çi bixwazi, di nava evê gencineya bêhempa da heye. Beşeke giring ji vê gencineyê edebiyata devki ye. Edebiyata devki ji ji hêman û berhemên curbicur pêk tê. Berhemên evê edebiyatê ji ne malê niviskareki ne ; ew malê tevahiya gel in. Ji edebiyata devki ya Kurdi pişka ku naveroka wê ji hêla diroki va heri xurt, pişka stran û awazê ye. Ev pişk di çanda Kurdi da pir dewlemend bûye, pêşda çûye, berfireh bûye û hema mirov çi bixwaze, dikare di nava wê da bibine.