Nuşteyi Serrande Newayinan

Maden di, ma zerreyê keyeyi di sey xo (zazaki/kirdki) qali kerdênê, labelê teber di hiniya zaf tirki... Maden tikê zi yew cayo kozmopolit bi û çend heway ra dewlemend bi; hetê tewir, tewir mêrdiman ra, hetê itikati ra, dini ra, zan û kulturi ra… Û hetê ekonomi ra zi dewlemend hesibyaynê… Mesela, fabrika xo bi, fabrikaya baxiri, kromi, cewheri. Wextê gedeyiya mi di nizdiyê hirê hinzari mêrdimi tede xebitiyaynê. Zaniyeno, normalê xo di hetê cografyaya ma ra mêrdimi, seba xebati şiynê hetê şaharanê rojawani İstanbul, Ankara, İzmir ûêb. Eyla Maden anasar yew ca bi ki, epeyi şar hetê rojawani ra seba xebati ameynê weyra.