Oda Kurda

Casimê Celil li Ermenistanê bi Erebê Şemo, Heciyê Cindi, Eminê Evdal, Cerdoyê Gênco, Wezirê Nadiri, Ahmedê Mirazi re li ber çavkaniya wêjeya Kurdi li wê komara Sovyetê rawestiyabû, bi wan re himê wêjeya Kurdi ne ku bi tenê li wir, lê li temamiya Sovyetistanê danibû. Sala 1975’an pirtûka wi a bi navê Oda Kurda bi zimanê Kurdi çap bûye. Di wê pirtûkê de ji gelek helbestên nû û ji veçêkirina çend nimûneyên zargotina civata Kurdan ci girtine. Piraniya wan derheqê şerkariya wê yi azadiheziyê de hatiye hûnan. Hezkirin û hisreta welatê parçekiri, welatê bindest, jiyana xeribiyê û hezkirina xwe yi bi hezar dili taybetiyên helbestên wê ne. Li vê tangê pêwist e bê diyarkirin, ku bi helbestan re tevayi, ku piraniya berhemên Casimê Celil ji wan pêk tên, wi çend destanên xwe ên bi nirx ji kirine mal û milkê xwendevanên Kurd, ku bi girani veçêkirina destanên gelêri ên ji zargotina Kurdi ne. Ev pirtûk bêtir berhema helbestvan a xwexwetiyê ye, a ji aliyê wi de sêwirandi, lê her bi tenê bi şêwaza berhemên gelêri hatiye nivisandin. Pir berhemên Casimê Celil hatine wergerandin, li ser Ermeni û ji bili rojname û kovaran bi pirtûkên cuda ji hatine weşandin. Ew pirtûka wi pişti çapa yekemin li Amedê, li Weşanxaneya Lisê tê weşandin.