Pace

B Belki Şevder ji wan têr dibe, cardin berê xwe dide aliyê bexçeyên Hewselê. Li şênahiya darên kesk, li cêfinên ku xasên wan hatine hevdan û mişarê wan mina xaliçeyên qehwerengi xuya dibin temaşe dike. Her deh deriyên Pira Dehderi ji wi xuya dibin. Bêhnekê dikeve temaşeya pirê, ji wir diçe nava kûrahiya dirokê, di nava rûpelên tari û bixumam de qilopilo dibe. Bi helwesteke eletewş çend pirsan ji xwe dike û cardin di nig de vedigere, xirexavi li Çiyayê Çilsuwaran dinêre. Çiyayê Çilsuwaran tu yê bêji qey xiyanet li çilsuwaran kiriye û her çilsuwaran bi hevdu re şûrê xwe dawişandiye qotê serê wi, ew firandiye, rast, ripirast kiriye. Mirov nikare derewan li zemên bike, belki ji çiroka wi çiyayi ne wiha be.