Şebçirax - Romana Melaye Ciziri

“Melayê Ciziri edebiyatnaseki Kurd ê sedsala XVIan e. Şairê qesra mir û hukumdarê hukumeta Cizira Botanê, nûnerê dewra muqtedir û serdestiyê ye di diroka edebiyata Kurdi de. Ew şairê qesr û diwanê ye. Di helbesta wi ya lirik û coşiş de hêmanên ruh ên wek ihtişam, hessasiyet, xwebaweri, ciwani û baldari derdikevin pêş. Lewma Mela banê estetika helbesta Kurdi temsil dike. Şebçirax romaneke biyografik e û bi çiroksaziyeke pisporane xwinerê xwe derdixe rêwitiyeke rewnaq. Di kuçe û kolanên bajarê xewn û xeyalan, Cizira Botana qedim de dide gerandin. Li warê Dicle û Firat, li welatê mir û medreseyan, li Kurdistana dewrana zêrin dike mêvan. Her wisa xwiner dike rêhevalê naveroka riste û beytên Mela, hevaldersê tehsila wi û hemderdê işqa wi ya dilêş û dilgeş. Romana Şebçirax ji hêla vehunandinê ve ji tiştne nû dibêje. Her wisa ji aliyê ziman, bêjar û çiroksaziyê ve ji xwedi iddiayeke alternatif û avakar e di romana Kurdi de. Hasil ŞEBÇIRAX bi şewq û şemala xwe ronahiyekê direşine li ser taritiyên dem û serdeman.”