Şeva Dızen Solstise

Gundeki ku qet lê nabe şeveq û gava dibe şeveq qet lê nabe êvar; galgalên li ser çiroka çirokeke ku qet neqewimiye; Benjamin Franklin, Thomas Edison, Don Quijote û Sancho Panzayê ku rêya wan bi gundeki Kurdistanê dikeve û aqûbeta wan li ber gopalê deradeti yê Pira Fatim ji nû ve saz dibe; flanoreki ku her di takecihana xwe de çerx dibe û bi semt û hemd tim dikeve seyra nişaneyên derdora xwe; birhatinên “zarokeki” hezar û bist û yek sali yê li ber çoka Pira xwe derheqê miriyan û binaxkirinê de; niviskareki li pey lehengê xwe yê ku bi salan ji bankamatikekê dide dû yeke din û tim li pereyên hûr digere; nehwirandinên ji ber saw û sawêrekê mayi; mêşên ku dawi li desthilata familyaya xwe tinin û ew ji bi wan re dicehimin?... Desteyek çirokên ku zorê didin aşop û vegêranê ji dengeki nû yê edebiyata me, Bilal Nergizli. Şeva Dizên Solstisê, bi renginiya xwe şahiyeke edebi li dar dixe û bi silavên navmetni mazûvaniyê li mêvanên xwe yên curbicur dike.