Şikesti

Niviskar di vê romanê de, diroka bêbext dide ber pirsan. Hûn ê di vê romanê de qêrina Dêra Qire, Deşta Bişêriyê, hewara Çemê Xerzan û Diyarbekira stûxwar bibihizin Li ser bênderên gundê Barisilê, roja man û nemanê ye. Mirin û jiyan li hemberi hev serqot in. Ji çavên dil gazin difûrin, çirûskên hêviyê xembar in. Germa havinê, dilopên xwêdanê bi ser kelecana dil ve dişine. Kelecana dil, qefesên singên kelegerm dikute. Qêrinên bêdeng di nav bêçaretiyê de digevizin. Hêvi li asoyên geleki dûr in. Can di nav lêhiya zulme de diperpitin. Roj ji ronahiya xwe fedi dike. Çiyayên Remi ji bilindbûna xwe fedi dikin. Deşta Bişêriyê ji hebûna xwe fedi dike. Gundê Barisil, ji bêçaretiya xwe zarezar e. İsyana xortên nûgihişti, di nav dilan de difetise. Hewara pir û kalan di nav kezebê de ditepise. Hemû deng di nav singan de, asê mane. Dem sekiniye. Tevger sekinine. Livên heri biçûk, wek lehiyekê bi ser kerrikên guhan ve dibezin. Hemû çav bi hev ve hatine girêdan. Çavên herkesi li ser koma girtiya ne.