Welekoristan

Welekoristan Çûme gundeki bi bax û bostan Ez jê re mame mest û heyran Li hawirdora wi bilind bûne çiya Binhêre li bintara wi mêrg û zeviya Wa belekiyê berfê li serê çiya Dixulxuli ava çem û kaniya. Wek keziyê keça çardeh sali Fitla dide xwe bin newal û geli. Seri hildaye ca wek tire mar Dibe xuşxuşa wi jor da tê xar. Temaşedikim bi qir û hewar Nava dil li min bûye koza ar. Dest û rûyan dişom bi yekcar Bi kulma min ava sar jê vexar. Min vexar ji ava sara xweşik Tavilê nava dil li min bû hênik. Ketim nav newal û berê çiya Bêhn dikim kulilk û gul û giya. Beybûn û sumbul û nêrgiz Rihan û piltan li baxê dengiz. 12 Qalçiçek û gulsosin û berfin Lalezer û pivong û yasemin. Li ber qefa zinar û latê jor Sosin û gulên kesk, zer û sor. Min li berojan mêzekir û di Cetiri û gulçiçek û dawudi. Şin bûne hêliz û hiro, adarok Tevi kartûs û kari û kulavok. Gulgenim û mêxik û perperok Gulebûk û xetmin tevi şekrok. Lale û sinbil, şilan û binevş Stêrgul û sedra bêhna xweş. Li ber bostan û bax û baban Zambaq û qerenfil û guldan. Xaşxaşka sor dikir li berojan Bo jiyana min dibin ruh û can. Biharê li xwe dikir xemla kesk Çiya û deşt û newal û bi lesk. Tov dikir goberxik û beniştok Hem pelhewês û tirşo û silqok Rojê vedida ji girê Heci Heyder Şewqê xwe dida axpin û bêder. 13 Xûsya şevê li ser gulê dabû der Dibiriqi wek yaqût û cewher. Gazi diket nav şêni û gundiya Qiz û bûk bi carê radibûn ser piya. Davêtin milên xwe Elbê Toqati Lê bêriya jor mih û bizin didoti. Awir davêtin sineya wek pizot Cerg û hinav li xortan disot. Tanin şir dew û penêr û mast Vexim ji kesera wê re çeqilmast. Di nav re dikişe çemê şirin Ava Şor Delav bi delav kani ne li hawirdor. Axpina maşa Şêxo û Kortika Coni Şûna warê Kurda bû hem şaristani. Ciyê leyistoka me Keta Mala İsa Hawirdor gul û kulilk bûn disa. Deşta Xiz bi daristan û devi Lê diçêrin karxezal û pezkûvi. Siwar im ez li hespên seklawi Girêda min tir û kevan li wi. Sar e Newala Kûr, Gola Mexsê Zivrik û golehişk dikin „eksê. 14 Çêmê jêr û Ada Mala Teyfûq Girkavir û Hewşan mina bûk. Mêrga Bizya û Textê Baxir Kelehoşk tev maden û paxir. Warê Hola hem Guhura pez Bû mexel lê mihên sor û gevez. Çiyayê Xevrevin bi kevir û lat e Keleha wi bilind û bi heybet e. Li geliyê jor aşê Şêx Yûnûs Aşê Şêx Siltan li bin mala Ûnis. Kela Hacik diroka wê nediyar e Bin wê daristan û gund û bajar e. Geliyê Zuxur kûr û hem teng e Kaniyê Pûrto bi delav û çeng e. Lê şin dibe sirmendik û pûng e Li sinora bilind dibe hew siping e. Bêjim we navê wan bi zorê Ez ê xwe berdim Newala Şorê. Rûnêm li ser kendalê Gola Kûr Temaşekim li masiyên gir û hûr. Bimeşim li ser axa Welekoristan Herim nav baxçe, bin darê mêvan. 15 Berhevkin givij û karçin û şilan Hin gulizerk û hurmi û sêvan. Zeviya Reşit hem Kayina Cergan Pişta baxçe li nav zevi û beyaran. Hildim dest xwe xilç û adodan Ji nav axê rakim zil û kerengan. Herim Newala Dedo û Kaniya Mar Bo we hevala vexwim jê ava sar. Zevya ber gund bê av û beyani Kalê min li wê tim bostan dani. Çêdibûn zebeş û petêxên narin Tam xweş bûn û wek gezo şirin. Newala Kêça dirêj û hem bi ger e Textê Mêrgê bilind û li hember e. Ji serê min hiş û aqil diçû dere Ber bayê ketim mina kelampere. Çotkar dajon bi ga û kotan ber e Axa wi reşe û teveki cewher e. Rasta Qicûrê avzê û şilek e Wek gerdena keça çav belek e. Bişewite mala te hey felekê İro wêran bûye Birca Belekê. 16 Min li wir derbaskir dem û sal Bi hesreta wê ez bûme pir û kal. Bê welat û bê dewlet û bê al Li kuçê xeribiyê ma me bê hal. Ez bêjim we bi şev û rojan Tim binivisim bi meh û salan. Nikarim wesvê wê binim ziman Ew e lew ji dilê xaka Kurdistan. Min li ser wi nivisine pir destan Ew e ku navê wi Welekoristan… Ji dewra qedim de tu şaristan i Çima tu iro wek warê wêran i? 21.04. 2021. Çorlu