Xewna Bi Hevi

Bavê Nazê, di Xewna Bi Hêvi de, demûçaxa qirkirina Ermenan weki dema esasi dike romana xwe. Û di vê demê de, qilopilo û fenekiyên dewleta Osmani ku dixwaze hemû Kurdan, bi taybeti yên li herêma Cizira Botan di vê qirkirinê de çalak bike, ji hêlekê ve dixe mijara romana xwe. Ji hêla din ve ji, hin axa, beg, serokeşir û mirên ku hişyar in di warê fenekiyên Osmaniyan de û naxwazin bibin leşkerê ‘Siwarên Hemidiyê’ û ‘Kiriv’ ên xwe bikujin. Û li hember vê xweragiriya mir û serokeşirên Kurdan, hewldanên dewleta Osmani ku ji bo pêkanina mebesta xwe, li ser dinê İslamê dixwaze poç û serê serok û giregirên Kurdan li hev bixe. Û Qedriyaya ku weki jina duyem çûye ba ‘Egid axa û ji bo ku jê zarok jê re çêbibe û li hember ‘Egid axa, ‘rûmeta’ jintiya xwe xelas bike, berê xwe dide kaniyeke din û xwe pê dide avdan; û dawiya wê û ya pitikê wê yê trajik. Û digel wê ji, çiroka evina mirzanekiri ya keça axa Sêvê û Hosta Rezo tê (ve)gotin.